Haaay!!! Sarap sanag gumala ngayon, sarili ko lang ang aking aalalahanin, masarap sanang maglakad lakad sa mall or kung saan man, pero inabot na din ako ng katamaran… bakit? kasi naman, wala akong sapat na tulog na naman kagabi…
Huwebes ng gabi, naisipan kong tapusin ang librong binabasa ko, ayun, inabot na ako ng alas singko ng madaling araw, pero ok lang, nag enjoy naman ako sa pagbabasa at wala naman akong aalalahanin dahil umalis ang mga tita ko kasama ang alaga ko. Pagbangon ko ng ikawalo at kalahati ng umaga, nagkape at lumabas ako ng bahay… nag punta ng aklatan at nag internet, dahil may virus ang computer na ginagamit ko dito sa bahay, habang hindi ko naman alam ang password ng computer ng tito. Matapos ang isang oras na libreng paggamit ng computer, naglakad lakad naman ako patungo sa Dollarama at naghanap ng anumang mabibili, bulak lang naman ang naisipan ko dahil un lang naman ang kailangan ko sa ngayon. Nagplano sana akong magtanghalian sa McDonalds o di kaya ay sa Sushi Maru, kaya lang naisip ko, sayang din ang gagastusin ko doon lalo pa at madami naman akong maaring pagpiliang kaini dito sa bahay. Kaya ang pangkain ko sana ay binili ko na lamang ng load para sa aking cellphone, mas mahal kesa sa kumain ako pero ok na din dahil kahit papaano magkakaroon ako ng komikasyon sa mga mahal ko na di ko nakakausap dahil nga sa hindi ako makapag internet.
Pag uwi sa bahay, kumain at sinubukang ayusin ang computer sa tulong ng aking kapatid habang nagpapasensya sa kabagalan ng koneksyon sa internet, subalit ayun, hindi pa din maasyos talaga. Ng hapon na, matapos magluto ng hapunan, naisipan ko namang manood ng telebisyon, palipat lipat ng palabas hanggang sa abutin na ng 930 ng gabi. Bumababa na ako sa aking silid upang magpahinga, ng magpaalam ang pinsan ko na lalakad siya at tutungo sa bar, kami lamang kasing dalawa ang tao dito sa bahay dahil ang mga tita ko nga ay umalis, nagtungo ng US upang mag grocery/mag shopping at samantalahin ang mataas na halaga ng Canadian dollar against US dollar, sinamantala na din ang ang Black Friday na tinatawag, kung saan madaming sale na produkto after ng thanksgiving ng huwebes.
Siyempre, pinayagan ko naman ang pinsan ko, dahil una sa lahat, di naman un makikinig sken kahit pa sabihin kong hindi. Sinubukan kong hiramin ang laptop niya upang may magamit sana ako ng hindi ako maiinis sa sobrang kabagalan, subalit ang in-offer niya ay ang laptop ng daddy niya dahil alam niya ang password nito. Yun naman pala ay hindi din siya lalakad pa kaya hindi niya ipinagamit ang kanyang laptop.
Hatinggabi na ng siya ay umalis, hindi na upang mag bar, kundi upang sunduin ang kanyang nobya at dito na lang sila sa bahay magtitigil. Hindi ko sana gusto ang nosyon na ito, subalit ano nga ba ang magagawa ko? Hinintay ko pa siyang makabalik buhat sa pagsundo sa kaniyang nobya saka pa lamang ako nakatulog. Makalipas lamang ang tatlong oras ay muli akong gumising ipang tingnan kung lumakad na ba an kaniyang nobya, subalit matindi ang aking pakiramdam na dito sa bahay sila nagpalipas ng magdamag. Buhat ng gumising ako, na ikaapat na pala ng umaga ay di na naman ako makatulog muli. Ikawalo na ng umaga ng pilitin ko ang aking sarili na matulog, subalit paidlip idilip lang ang aking nagagawa. Kahit pa itinalaga ko ang alarm ng cellphone ng 1030am, nagising pa din ako ng pasado alas nuwebe pa lamang ng umaga. Nais ko pang ituloy ang tulog ko ng maramdaman kong gumising na ang aking pinsan. Wala akong nadidinig na ibang tinig kaya akala ko ay umuwi na din ang kanyang nobya at di ko na lamang namalayan ng umalis.
Naramdaman kong may nagbukas ng pinto, in-assume ko na kinuha nya lamang ang diyaryo sa mailbox… kaya bago mag ikasampu ng umaga na bumangon ako, inaasahan ko na nagbabasa siya ng diario. Anong mangha ko ng wala siya sa bahay kaya naman tinawagan ko siya at aking napag alaman na hinatid pala niya ang kanyang nobya sa bahay nito. Ok, wala na naman akong reaksyon…
Makalipas ang ilang minuto ay tinawagan ako ng pinsan ko upang alukin kung ano ang nais ko para sa agahan… nais daw niya ng sandwich sa burger king, dahil nagkakape na ako, sinabi ko na lang na dalhan niya ako ng burger… di siya makapaniwala na sasapat na iyon, subalit ewan ko ba, 330pm na pero parang busog pa din ako… nag tea na nga ako para bumaba ang kinain pero wala pa din, nagkape naman para mawala ang antok…
Haaay… nawawala na ako sa sarili… pero di ako pedeng matulog, or else, di na naman ako makaktulog mamayang gabi…
